Vogliu qui incu ritardu
Mandati ste duie lignè
Chi so un l’aghju fatta prima
Ci ai lesciatu senza rima
Nim’un la pudia pensa
Ché tu ti n’aviè a andà

Quand’in l’alzi si ghjunghjia
In piazza santa maria
Semprè érè tu amicu
D’un surisu ci accugliè
Rallégravè i nostri cori
La to manu ci tendiè

Troppu prestu si partutu
Nim’un la pudia crèdè
Ma l’omi di u to insèdu
So quelli chi so stampati
Per sempre nant’a li cori
Di li to amichi cari

Penseremu sempr’a tè
A sera in spassighgjata
Pusèrèmu ac’anta tè
Anant’a li to tavulati
Fèrèmu una préghérà
Da quassu ci viderai

Trinicavè in viaghjendu
T’appughjavè a lu bastonè
Ma un timavè di nunda
Prufonda la riflèssionè
Risichi un’è pigliavè
Incu tè c’éra u signorè

Quandu c’éra una festa
O qualchi santi a onorà
Un si mai statu l’ultimu
A partè é girandulà
Vogulavè quant’è settè
Semprè prontu a festighjà

 Si statu sempr’un ésempiu
Un’omu di libertà
Quantu servizii ai rèsu
Senza mai dumandà
Tut’ognunu era felicè
Di pudèti invita

U mio caru tonton louis
Ava un ti possu piu di
Tuttu cio chi la mio mentè
S’aricumanda a un scurdà
Quantu manca la to voce
In cunfine di san damià

So chi ci ritruvèrèmu
Un ghjornu per l’aldilà
Prépara un caradellu
Per pudèlla aprunta
A sborgna d’antologia
Chi c’iavemu da piglia

Quandu sonna la cicona
Pensu a tè o fratellonè
L’altarè é la campana
So chi ghjéra a to passionè
I santi di san damianu
Da dui so passati a trè